Lletres Asturianes

Entamu

LES PALLABRES PRESIDENCIALES

  Nel llargu discursu de D. Pedro de Silva a la Xunta Xeneral, el 20 de xunetu, enantes del so nomamientu presidencial pa esta llexislatura, acótase un espaciu -a la escontra de los vezos d\'otrrs dómines- pa falar de la política llingüística qu\'empobinará darréu. Afítase, de mano, la necesidá de que\'l parllamentu asturianu faiga un proyeutu de llei que desendolque l\'artículu 4 del Estatutu d\'Autonomía y trata llueu, por alzao, de la escolarización de la llingua, de la so presencia na comunicación, na taponimia, etc.

  Les pallabres del Sr. Presidente nagüen porque iiun faiga falta un pautu cultural futuru si se torga asina que s\'enanchen les resquiebres culturales ente les fuerces que s\'asitien na nuesa sociedá.

  Podíemos dicir que los aspeutos más fondos tán cincaos -anque de pasada- y comu declaración de principios per onde se quier emponer el Sr. Presidente paecen valoratibles. De toes maneres a estes altures nun quixéremos ser cafiantes si dicimos que toa llei que nun enconte la reconocencia d\'oficialidá a nivel estatutariu va quedar empatonada, enantes mesmamente de que pueda olivase por da-y puxu.

  Reconoz, d\'otru llau, l\'entós candidatu y agora presidente, que pa llevar darréu les medíes afayaíces fai falta «un marcu políticu y social lo más pacificáu que seyamos pa ello» y da cuenta que va facer tolos sos posibles p\'algamar una collaboración sostenida «con instituciones tan importantes comu l\'Academia de la Llingua Asturiana ».

  Dende\'l nuesu asitiamientu, siempre atentos a llevar alantre\'l procesu recuperador, estes pallabres aliten los meyores enfotos y allampiamos porque seyan l\'aniciu de lo que tien que ser un llabor fechu n\'andecha. N\'efeutu, una collaboración bona u la voz de l\'Academia se dexe sentir, enxamás faría coses tan poco amañoses comu les feches esti branu por quien da unes irresponsables pautes pa la escoyeta del profesoráu de llingua asturiana; por quien lleva alantre una entrada perxudicial pa la llingua nel BUP y FP; por quien da anuncia de poco pensaes medíes nel tarrén toponímicu; por quien... apocayá, fai convocatories de les que, de momentu, más val nun falar.

  Sí, n\'efeutu, una collaboración dafechu ente l\'Academia y el Principáu, afitaría muncho meyor un procesu que, n\'otru sen, cuerre\'l peligru de nun dir a nenyuri.

 CompartirCorreoFacebookTwitter
Lletres Asturianes
Academia de la Llingua Asturiana
C/ L’Águila 10
33003 Uviéu
T. +34 985 211 837
www.academiadelallingua.com
ISSN (versión dixital): 2174-9612
ISSN (versión impresa): 0212-0534
Depósitu Llegal: U-826/82
© Academia de la Llingua Asturiana