Lletres Asturianes

Entamu

                                                           Una llei na seronda

  Cuandu estes llínies vean lluz na seronda ye dable que les fuerces polítiques tengan entamao conversaciones sobre la llamada «Llei del bable», la que desendolque l\'artículu 4 del Estatutu d\'Autonomía.

  Persabiendo la so pre-hestoria xusto ye camentar que la virtú de la prudencia va allugase na Xunta Xeneral y que\'l meyor xuiciu va ser el conseyeru más valoratible.

  Les llendes con qu\'enarta esi citáu articulu, si se fexera una bona llei nun podríen llevantase llueu a la escontra. Bastaría pa ello afondar
nes sos propies esixencies de llibertá. Desgraciadamente esa llibertá güei nun pue exercela namás que quien quier que la so enseñanza o información se faiga\'n castellán. Falten calces abiertos y posibilidaes enanchaes pa una escolarización de la llingua, pa una información n\'asturianu.

  Si la llibertá ye\'l postuláu, déxese llibertá al ciudadanu. Qu\'escueya elli. Ensin medrana. Ensin llerza. Namái\'l vieyu paquidermu, empallonáu na xabaz cueva, reburdia zubando les propies uñes. L\'otru, l\'habitante de la polis nueva, allégrase de que s\'asitie la convivencia llibre y de que les bones razones de l\'Asturies moderna nun s\'oriellen.

 CompartirCorreoFacebookTwitter
Lletres Asturianes
Academia de la Llingua Asturiana
C/ L’Águila 10
33003 Uviéu
T. +34 985 211 837
www.academiadelallingua.com
ISSN (versión dixital): 2174-9612
ISSN (versión impresa): 0212-0534
Depósitu Llegal: U-826/82
© Academia de la Llingua Asturiana