Lletres Asturianes

Et in Arcadia ego. La configuración del espacio en el teatro costumbrista asturiano a través de la obra de Pachín de Melás

Noelia S. García

Resume

Esti artículu estudia la obra teatral de Pachín de Melás, consideráu pola crítica como’l pá del teatru costumista asturianu. Al traviés de les sos composiciones teatrales, pue esaminase l’asentamientu y la configuración del xéneru, fuertemente marcáu pol fenómenu migratoriu a Les Amériques y la creciente industrialización. El sentimientu de crisis y la perda de valores potenciarán la idealización de l’aldea asturiana hasta convertila nuna Arcadia. Asina, los autores asoleyen la transición contra un nuevu universu de valores que s’amuesa como destructor y perversu y alcontrarán na aldea les costumes y los valores tradicionales a los que s’aferren. Por ello, l’espaciu nel qu’asoceden les trames nun s’aveza a la ciudá, sinón que se caltién emponderando l’aldea asturiana y poetizándola pa convertila nun elementu tresmisor del sentimientu de murnia poles costumes y los paisaxes. Por contra, l’espaciu urbanu ofrez nueves formes de vida que representen el progresu y la modernidá y que sedrán fuertemente refugaes pol teatru costumista, creando’l binomiu bondá-aldea frente a maldá-ciudá que se reflexará nos personaxes, conectaos dafechamente col espaciu pel que transiten.

Pallabres clave

teatru, costumista, Pachín de Melás, aldea, ciudá

Artículu en pdf Descargar en PDFCompartirCorreoFacebookTwitter
Lletres Asturianes
Academia de la Llingua Asturiana
C/ L’Águila 10
33003 Uviéu
T. +34 985 211 837
www.academiadelallingua.com
ISSN (versión dixital): 2174-9612
ISSN (versión impresa): 0212-0534
Depósitu Llegal: U-826/82
© Academia de la Llingua Asturiana