Lletres Asturianes

Propuesta d’intervención pal enseñu y normalización del asturianu al traviés de la didáctica de la intercomprensión románica

Gonzalo Llamedo-Pandiella

Resume

La esplotación didáctica del fenómenu d’intercomprensión vien sumando notoriedá dende que s’espublizaren los primeros métodos a lo cabero los años 1990. Nestos trabayos formuláronse delles metodoloxíes empobinaes a sistematizar l’enseñu en paralelo d’idiomes emparentaos, con un interés especial por organizalos en families llingüístiques. La Comunidá Europea aprovechó esti contestu afín al plurillingüismu pa venceyalu a la so promoción del respetu pola diversidá llingüística y cultural d’Europa, atendiendo de primeres a los idiomes dominantes. Magar qu’anguaño seyan yá numberoses les iniciatives didáctiques d’intercomprensión que combinen la presencia de les llingües mayoritaries con otres de calter minoritariu y minorizáu, inda nun ye posible atopar la llingua asturiana nos métodos de referencia. L’oxetu d’esti estudiu ye apurrir una propuesta d’intervención p’afalar a la comunidá científica y a los organismos responsables a subsanar esta falta, que supón un agraviu comparativu y un desaprovechamientu de les ventayes pedagóxico-discursives y ético-polítiques qu’ufre esta estratexa didáctica a otros idiomes de dominios llingüísticos vecinos, nun momentu nel que se precisa reforzar la normalización social del asturianu d’alcuerdu colos parámetros del paradigma global actual. Con esti envís, plantégase l’usu del métodu internacional EuroComRom como marcu metodolóxicu pa organizar y secuenciar les fases de trabayu, asina como pa orientar a la ellaboración d’unos recursos materiales básicos. En resultancia, esta iniciativa dexa conocer y planificar l’aprovechamientu de la didáctica de la intercomprensión románica como un ámbitu d’enseñu estratéxicu, que pue contribuyir a normalizar la presencia del asturianu n’escenarios educativos llocales ya internacionales, al convidar a los usuarios del métodu a conocela, respetala y deprendela, como yá asocede con otres llingües minoritaries.

Pallabres clave

llingües romances, enseñanza del asturianu, sociodidáctica de les llingües, intercomprensión, plurillingüismu

Artículu en pdf Descargar en PDFCompartirCorreoFacebookTwitter
Lletres Asturianes
Academia de la Llingua Asturiana
C/ L’Águila 10
33003 Uviéu
T. +34 985 211 837
www.academiadelallingua.com
ISSN (versión dixital): 2174-9612
ISSN (versión impresa): 0212-0534
Depósitu Llegal: U-826/82
© Academia de la Llingua Asturiana