Lletres Asturianes

Um estudo da variação prosódica em mirandês

Alberto Gómez Bautista & Lurdes de Castro Moutinho

Resume

La falta d’investigaciones sobre la prosodia de les llingües romániques en xeneral, y del mirandés, en particular, ta na base del surdimientu d’un proyeutu nel que esti estudiu s’encuadra. Gracies al desendolcu de nueves teunoloxíes, qu’amiesten ferramientes computacionales acionaes pa la recoyida y análisis de la señal de fala, surde, a lo cabero de 1999, el proyeutu AMPER (Atles Multimedia Prosódicu del Espaciu Románicu). Esti proyeutu parte d’una idea de Michel Contini, presentada orixinalmente en Bilbao en 1991 (Contini, 1992). Aprovechando la esperiencia algamada pol equipu AMPER-POR (proyeutu AMPER pa la llingua portuguesa - PE y PB), coordinada pola segunda autora d’esti artículu, surde la idea d’estudiar la prosodia de la llingua mirandesa siguiendo la mesma metodoloxía del proyeutu AMPER. D’esta miente, n’avientu de 2015, tres l’adautación del corpus y definíu un plan de trabayu, entamó la primera d’una serie de recoyíes de corpus orales pal estudiu de la prosodia de la llingua mirandesa. L’oxetivu principal d’esti estudiu ye presentar dellos resultaos algamaos a partir de los datos recoyíos en dos puntos representativos de dos de les tres variedaes diatópiques del mirandés, afitaes na clasificación de José Leite de Vasconcelos que foi acoyida pola mayoría de los investigadores qu’estudiaron el mirandés. Analizamos equí los puntos más alloñaos pa, en futuros trabayos, dir llendando les estayes nes qu’apaezan diferencies prosódiques y poder contrastar estos datos cola citada clasificación de les variedaes del mirandés.

Pallabres clave

prosódia, fonética acústica, procesamientu computacional, mirandés

Artículu en pdf Descargar en PDFCompartirCorreoFacebookTwitter
Lletres Asturianes
Academia de la Llingua Asturiana
C/ L’Águila 10
33003 Uviéu
T. +34 985 211 837
www.academiadelallingua.com
ISSN (versión dixital): 2174-9612
ISSN (versión impresa): 0212-0534
Depósitu Llegal: U-826/82
© Academia de la Llingua Asturiana