Lletres Asturianes

Análisis estadísticu de les distancies prosódiques ente los dialeutos del asturianu

Paolo Roseano

Resume

A lo llargo de los caberos quince años la prosodia del asturianu foi oxetu d’estudiu dientro del marcu del proyeutu amper-astur, destacándose ente los sos resultaos la clasificación de les variedaes entonatives d’esta llingua. Esti trabayu pretende analizar los datos prosódicos recoyíos n’AMPER-ASTUR emplegando ProDis, un programa dialeutométricu, col envís de validar les clasificaciones propuestes enantes. Los resultaos del procesamientu estadísticu de los datos amuesen que les declaratives neutres nun dexen trazar llendes xeoprosódiques nel dominiu llingüísticu asturianu, tal y como afiten estudios anteriores. L’análisis de les interrogatives absolutes, per otru llau, empobina a la conclusión de qu’Asturies apaez xebrada en dos fasteres principales: una centro-occidental (carauterizada por patrones interrogativos que finalicen con un tonu baxu) y una oriental (na que les entrugues totales presenten un cuerpu altu y un final circunflexu). Los resultaos tamién apunten a que, pa una clasificación más completa y detallada de la variación diatópica de la prosodia asturiana, fadrá falta en futuros estudios llevar a cabu una comparanza coles variedaes romániques averaes.

Pallabres clave

prosodia, dialeutometría, asturianu, amper-astur, ProDis

Artículu en pdf Descargar en PDFCompartirCorreoFacebookTwitter
Lletres Asturianes
Academia de la Llingua Asturiana
C/ L’Águila 10
33003 Uviéu
T. +34 985 211 837
www.academiadelallingua.com
ISSN (versión dixital): 2174-9612
ISSN (versión impresa): 0212-0534
Depósitu Llegal: U-826/82
© Academia de la Llingua Asturiana