Lletres Asturianes

Los posesivos en Senabria (Zamora)

Xuan Xosé Lajo

Resume

Preséntase nesti trabayu, de forma resumida, un estudiu sobro’l sistema de posesivos na comarca de Senabria (Zamora) –asitiada al Noroeste del territoriu d’esta provincia y en llende con Lleón, Ourense y Portugal–, atendiendo, d’igual mou, a les variantes diatópiques qu’estos presenten y a la so distribución xeográfica nos dos dominios llingüísticos existentes nesti territoriu: gallego-portugués y ástur. El trabayu céntrase fundamentalmente nes distintes formes (xenerales y variantes) del posesivu, afitando les llendes ente los tipos galaico-portugueses y los tipos  ástures. Dedícase un segundu epígrafe al emplegu del artículu colos posesivos, usu práuticamente xeneral tanto nes formes ástures como nes galaico-portugueses. La tercer seición céntrase, mui curtiamente, na morfoloxía de les formes antepuestes y pospuestes del posesivu. La base emplegada pal estudiu confórmenla los materiales recoyíos nes correspondientes encuestaciones feches en Senabria nos caberos 15 años, contrastándose llueu estos materiales con otros, inéditos o non, sobre les fales de Senabria a los que se tuvo accesu. Ente ellos han citase los trabayos de Fritz Krüger, los datos ufiertaos polos cuadernos (ensin asoleyar) del Atlas Lingüístico de la Península Ibérica (ALPI) d’esta fastera de la Península y, d’época más recién, los estudios fechos por David García López, Andrés Boyano y otros autores xunto con otres encuestaciones y publicaciones entamaes pola «Asociación Cultural Furmientu» de
Zamora. Los conteníos del trabayu compleméntense con una serie de mapes, siete en total, onde s’asitia y se dellimita la distribución xeográfica de los fenómenos estudiaos; y con una bibliografía estayada en dos partes, referenciándose na segunda d’elles un llargu llistáu de materiales bibliográficos qu’ufren información sobre les
fales de Senabria y otres fales averaes.

Pallabres clave

Dominiu Llingüísticu Ástur, Dominiu Llingüísticu Gallego-Portugués, Senabria (Zamora), posesivos

Artículu en pdf Descargar en PDFCompartirCorreoFacebookTwitter
Lletres Asturianes
Academia de la Llingua Asturiana
C/ L’Águila 10
33003 Uviéu
T. +34 985 211 837
www.academiadelallingua.com
ISSN (versión dixital): 2174-9612
ISSN (versión impresa): 0212-0534
Depósitu Llegal: U-826/82
© Academia de la Llingua Asturiana