Lletres Asturianes

Singularidá d’Asturies na Edá Media

Francisco Javier Fernández Conde

Resume

Entamando coles llendes históriques y una curtia referencia a los niveles protohistóricos y a la romanización, úfrese nesti trabayu un llargu análisis del devenir de la tierra que se denoma güei Principáu d’Asturies ente los sieglos VIII al XII y la so configuración, a lo llargo d’esta dómina, como espaciu singular y diferenciáu d’otros territorios de la llende. Calteniendo les sos tesis, yá conocíes, l’autor prefier esplicar los entamos de la Monarquía Asturiana alloñándose de les cróniques que tresmitieron un verdaderu «mitu d’oríxenes» sobre Asturies y la nación española y afondando más nes razones de calter social, recurriendo sobre manera a les informaciones de los estudios arqueolóxicos de más recién. Polo que se refier a los sieglos X y XI (cola corte yá en Lleón) y contra lo hasta agora diagnosticao sobro la perda d’influyencia d’Asturies, analízase qu’a lo llargo d’esos cien años que siguieron al treslláu Asturies nunca tuvo aisllada de la vida político-social de la dómina y más entá, entama a afitase n’Uviéu un grupu nobiliariu poderosu que s’atreve a organizar una especie de centru de poder alternativu frente a Lleón, con perfiles y oxetivos non siempre fácilmente oxetivables. Y polo que se refier al s. XII, les figures y aiciones del obispu D. Pelayo, el conde Gonzalo Peláez y la reina Urraca «L’asturiana» dexen plantegar que nes primeres décades del sieglu produciríase n’Asturies un verdaderu fervollar de la estayadura política carauterística d’un feudalismu camín d’afitase. En cualquier casu, l’espaciu tradicional asturianu presentará yá presenta nesti sieglu una configuración bien refecha nel universu políticu del reinu lleonés.

Pallabres clave

Asturies, historia medieval, sieglos VIII al XII, singularidá socio-política.

Artículu en pdf Descargar en PDFCompartirCorreoFacebookTwitter
Lletres Asturianes
Academia de la Llingua Asturiana
C/ L’Águila 10
33003 Uviéu
T. +34 985 211 837
F. +34 985 226 816
ISSN (versión dixital): 2174-9612
ISSN (versión impresa): 0212-0534
Depósitu Llegal: U-826/82
© Academia de la Llingua Asturiana