Diccionariu de la Llingua Asturiana (DALLA)

  • Escriba nel campu la pallabra que quier buscar.

    Pallabra:


    pallabra, la: sust. Aición y efeutu de falar. Entós pidió Xuan la pallabra. 2 Capacidá pa falar. El don de la pallabra. 3 Conxuntu de soníos [del llinguaxe con que se conoz daqué]. Nun hai pallabra pa nomar esi aparatu. 4 Espresión llingüística [con significáu que, xunto con otres, forma les oraciones]. Dixo tres pallabres. 5 Promesa, compromisu. 6 Capacidá pa [cumplir colo que se promete]. Tener pallabra. || Agarrar pela pallabra [a daquién], tener en cuenta lo que diz o promete [daquién pa facer daqué]. || Cola pallabra na boca, ensin acabar de dicir lo que se tenía pensao. || Dar (la) pallabra a [daquién], dexar que [daquién fale, intervenga nun alderique]. 2 Comprometese, aceptar el compromisu [de facer daqué]. Ye persona de fiar basta con que dea la pallabra. || De pallabra, de manera falada, non escrita. 2 Que cumple lo que promete. || De poques pallabres, poco falador. || Dicir la última pallabra, sentenciar, decidir [sobre daqué]. || Dirixir la pallabra a [daquién], falar con [daquién]. || Midir les pallabres, falar con procuru, con prudencia. || Nun dicir pallabra, nun falar. || Nuna pallabra, resumiendo. || Pallabres mayores, asuntu de muncha importancia. || Ser la última pallabra (de) el creu, fam. ser l’últimu n’orde d’importancia. 2 Ser mala persona. || Volver pola pallabra, aporfiar [nun asuntu].


    Copyright (C) 2015 Academia de la Llingua Asturiana

  • Escueya la busca que quier facer. Si hai más de 500 resultaos tien d'axustar la consulta.

    • Buscar pallabres que
    • Buscar definiciones qu'inxeran

    Notice: Undefined variable: tipu in /var/www/vhost/academiadelallingua.com/home/html/diccionariu/index.php on line 218

    Copyright (C) 2015 Academia de la Llingua Asturiana