Diccionariu de la Llingua Asturiana (DALLA)

  • Escriba nel campu la pallabra que quier buscar.

    Pallabra:


    flor, la: sust. Parte [d’una planta onde tán los muérganos reproductores formada d’un tueru pequeñu d’onde salen llámines vistoses]. 2 Parte [d’una tilar onde tán los muérganos reproductores]. Esti añu la flor páguenlo bien poco. 3 Parte meyor [de daqué]. 4 Momentu [cuando hai mayor cantidá d’un frutu]. Les naranxes tán agora na flor. 5 Dichu [inxeniosu y guapu que se diz a daquién]. || A flor, al borde. 2 Na superficie. || Como la flor del pitiminí, fam. repunante, melindrosu. 2 Ruina, desmeyorada [una persona]. || Echar flores, afalagar, dicir dichos inxeniosos y guapos. || En flor, florecíu. || Flor d’azafrán, Crocus asturicus, planta [que florez na seronda con flores de color viola]. || Flor de fendua, Trollius europaeus, planta [de flores marielles y fueya mui dentao]. || Flor de la culiebra, planta de la familia de les Araceae, [col tueru qu’asemeya a una culiebra]. || Flor de la peña, Picris hieracioides, planta [de flores marielles]. || Flor de la virxe, Hypericum perforatum, planta melecinable [de fueyes compuestes con pintes negres pel borde]. || Flor de l’ascensión, Cruciata laevipes, planta [de flores marielles]. || Flor de los namoraos, Arctium minus, planta [que tien la fueya de color blanco pela parte d’abaxo]. 2 Planta [de flores marielles]. || Flor de malva, planta del xéneru Malva. || Flor de nabu, [tipu de] planta. || Flor de pan y quesu, Primula vulgaris, planta [con flores marielles y cinco pintes anaranxaes na base]. || Flor de San Xuan, Bellis perennis, catasol, planta [de flores blanques y marielles que se mueve buscando’l sol]. || Flor de sapu, Taraxacum officinale, cardeña, planta [de flores marielles que tien la salvia de color ablancazao]. || Flor del agua, agua [que se cueye na fonte la mañana de San Xuan]. || Flor del corazón, Hypericum perforatum, planta melecinable [de fueyes compuestes con pintes negres pel borde]. || Flor del costáu, Carduncellus mitissimus, planta [de flores azules que cuasi nun tien tallu]. || Flor del cuquiellu, Linaria triornithophora, planta [coles flores de color rosa fuerte asemeyaes a paxarinos]. || Flor del mazapán, Primula vulgaris, planta [con flores marielles y cinco pintes anaranxaes na base]. || Flor maya, Narcissus pseudo-narcissus, planta [que da una flor grande y mariella en cada vara]. || Flores de palu d’aire, fam. engañu [a la pareya] teniendo rellaciones sexuales [con otra persona]. || Nacer con una flor en culu, fam. tener bona suerte.


    Copyright (C) 2015 Academia de la Llingua Asturiana

  • Escueya la busca que quier facer. Si hai más de 500 resultaos tien d'axustar la consulta.

    • Buscar pallabres que
    • Buscar definiciones qu'inxeran

    Copyright (C) 2015 Academia de la Llingua Asturiana