Diccionariu de la Llingua Asturiana (DALLA)

  • Escriba nel campu la pallabra que quier buscar.

    Pallabra:


    cuerda, la: sust. Conxuntu [de filos entetexíos que formen un oxetu allargáu y resistente emplegáu p’amarrar una cosa a otra]. 2 Filu [de los que tien un instrumentu musical, qu’al tocalu o esfregalu vibra y produz soníu]. 3 Tanza [gordo pa pescar]. 4 Tira [de texíu conxuntivo de color ablancazao qu’aúne los músculos colos güesos d’un animal, d’una persona]. 5 Llinia [reuta qu’aúne dos puntos d’un arcu]. 6 Tira [de metal ríxido, endolcada n’espiral, que pon en movimientu’l mecanismu d’un reló, d’un xuguete, cola fuercia que fai al desendolcase]. 7 Parte [esterna del resorte que pon en movimientu’l mecanismu d’un reló, d’una caxa de música]. 8 Movimientu [pol que se pon en funcionamientu un reló, una caxa de música]. 9 Oxetu [de forma allargada, fechu con filos entetexíos, emplegáu nun xuegu de neños que consiste en da-y vueltes nel aire agarrándolu pelos cabos y blincando penriba d’ella cada vez que toca en suelu]. 10 Xuegu de neños [que consiste en dar vueltes pel aire a un oxetu de forma allargada, fechu con filos entetexíos, agarrándolu pelos cabos y blincando penriba d’elli cada vez que toca en suelu]. 11 Capacidá [pa siguir faciendo una aición un tiempu más]. Tien sesenta años pero tovía-y queda cuerda pa munchu tiempu. || Cuerda dorsal, formación celular [allargada que traviesa a lo llargo’l cuerpu de los animales cordaos]. || Cuerda floxa, cuerda o alambre tensáu y puestu n’alto, [onde un artista de circu fai equilibrios]. || Cuerda vocal, tira de material conxuntivo [de les qu’hai na farinxe y qu’al vibrar produz la voz]. || Dar cuerda, mover la parte esterior del resorte de [un mecanismu pa que funcione]. 2 Dexar que [daquién] fale, obre a los sos deleres ensin parar, y da-y motivos pa que lo faiga. || De cuerda, que suena esfregando unos filos de manera que vibren [un instrumentu musical]. || De la cuerda de [daquién], de les mesmes idees [que daquién]. || Na cuerda floxa, nuna situación inestable. || Tirar de la cuerda, fam. forciar muncho una situación.


    Copyright (C) 2015 Academia de la Llingua Asturiana

  • Escueya la busca que quier facer. Si hai más de 500 resultaos tien d'axustar la consulta.

    • Buscar pallabres que
    • Buscar definiciones qu'inxeran

    Notice: Undefined variable: tipu in /var/www/vhost/academiadelallingua.com/home/html/diccionariu/index.php on line 218

    Copyright (C) 2015 Academia de la Llingua Asturiana