Diccionariu de la Llingua Asturiana (DALLA)

  • Escriba nel campu la pallabra que quier buscar.

    Pallabra:


    campu, el: sust. Terrenu [pa pastu]. 2 Yerba [que medra nun sitiu, nun terrenu]. 3 Pación, yerba [tienro, verde y arrincao del prau ensin curar]. 4 Cubrición [de tierra con yerbes y raíces]. 5 Yerba [dañible que medra nes tierres semaes]. 6 Espaciu, cabida [que tien un sitiu]. Nun hai campu pa poner tantes meses. 7 Terrenu [d’usu públicu qu’hai al llau d’una ilesia, d’una capiella y que pertenez a la Ilesia, a la parroquia]. 8 Terrenu [acotao, preparao pa facer feries, deporte, práutiques militares]. 9 Terrenu [acotao pa facer un mercáu, una fiesta]. 10 Territoriu non urbanu. 11 Conxuntu d’elementos [rellacionaos con una ciencia, con un asuntu]. 12 Conxuntu [d’aspeutos, de fechos que tien d’estudiar una ciencia, de les que tien d’ocupase una persona o una institución]. 13 Espaciu [onde s’exerce una fuercia llétrico, magnético, gravitatorio]. 14 Parte [nes que se divide y clasifica la información d’un documentu nuna base de datos]. || A campu, al recréu, a esparder [salir los neños ente clas y clas]. 2 Ensin semar [de va tiempu un terrenu]. || A campu rasu, albentestate. || Cagalera en campu rasu, fam. caxigalina, asuntu de poca importancia. || Campu (de) concentración, sitiu [onde se tien preso a muncha xente]. || Campu d’estermín, llugar [acotáu pa esterminar los presos enemigos nuna guerra]. || Campu santu, cementeriu. || Campu semánticu, conxuntu de pallabres [rellacionaes pol significáu]. || Campu visual, espaciu [qu’abarca la vista]. || De campu, ensin semar [de va tiempu un terrenu]. || Trabayu de campu, trabayu [que consiste na recoyida de datos, d’información sobre daqué o daquién nel so mediu natural]. || Yerba (de) campu, Dactylis glomerata, planta gramínea [que tien les raíces mui grandes].


    Copyright (C) 2015 Academia de la Llingua Asturiana

  • Escueya la busca que quier facer. Si hai más de 500 resultaos tien d'axustar la consulta.

    • Buscar pallabres que
    • Buscar definiciones qu'inxeran

    Notice: Undefined variable: tipu in /var/www/vhost/academiadelallingua.com/home/html/diccionariu/index.php on line 218

    Copyright (C) 2015 Academia de la Llingua Asturiana