Diccionariu de la Llingua Asturiana (DALLA)

  • Escriba nel campu la pallabra que quier buscar.

    Pallabra:


    calar: v. Meter líquidu na masa de [un oxetu, de manera que quede húmedu dafechu per toes partes]. Calé los zapatos nun champán. 2 Quedar [húmedu dafechu un oxetu, un cuerpu per toes partes al metése-y un líquidu dientro]. Esi calzáu cala ensiguida. 3 Pasar [un líquidu, una radiación a traviés d’una superficie, d’un oxetu]. Toi toa moyada porque caló l’agua l’abrigu. 4 Dexar pasar [un líquidu]. L’abrigu cala. 5 Afondar [debaxo la superficie del agua o d’otru líquidu]. Calé la rede. 6 Tener fondura [la mar, una piscina]. 7 Metese o llanzase [al agua] y nalar per debaxo la superficie. t. prnl. Calaron dende una piedrona. 8 Cruciar, pasar [de llau a llau]. Calaron el monte pa facer el túnel. Hai que calar la parede pa meter el cable. 9 Pinchar [un xamón pa ver si ta bonu, un bizcuechu pa ver si ta cocíu]. 10 Cortar un pedazu de [un quesu, un melón pa probar]. 11 Llegar [a un sitiu]. Anduvieron hasta que vinieron calar p’acá. 12 Facer [buelga], facer [camín]. Les vaques calaron equí’l senderu. 13 Meter [la bola nel gua nel xuegu de les boliches]. 14 Axustar [muncho una boina, una gorra]. 15 Baxar [el Sol al acabar el día]. t. prnl. Yá se ta calando’l Sol. 16 Pescar [na mar, nel ríu]. 17 Llegar a conocer [un asuntu, les intenciones o la manera de ser d’una persona]. Va tiempu que lu tienen caláu y por eso nun-y creen nada de lo que diz. Tovía nun calé bien por qué marchó. 18 Causar [daqué o daquién] una fonda impresión [nel ánimu]. Esi poema calóme nel alma. 19 Cubrir [el machu a la fema nel actu sexual]. 20 Parar [solu un motor cuando ta en marcha]. t. prnl. 21 prnl. Agarrar más confianza de la cuenta [con daquién]. 22 prnl. Namorase [muncho] de [daquién].


    Copyright (C) 2015 Academia de la Llingua Asturiana

  • Escueya la busca que quier facer. Si hai más de 500 resultaos tien d'axustar la consulta.

    • Buscar pallabres que
    • Buscar definiciones qu'inxeran

    Notice: Undefined variable: tipu in /var/www/vhost/academiadelallingua.com/home/html/diccionariu/index.php on line 218

    Copyright (C) 2015 Academia de la Llingua Asturiana