bolu, el: sust. Pieza [de madera allargada y con base plana pa tenese de pies, escontra la que se llanza una bola en dalgunos xuegos]. 2 Tantu [que se fai nel xuegu que consiste en llanzar una bola escontra un conxuntu de pieces de madera allargaes]. Fálten-y quince bolos pa ganar. 3 Regodón, piedra [arredondiada]. 4 Parte [del xugu onde s’ata’l xobéu]. 5 pl. Xuegu [que consiste en llanzar una bola escontra un conxuntu de pieces de madera allargaes puestes de pies]. || Bolos d’aire, [variedá de] el xuegu del batiente. || Bolu acabón, bolu últimu [que dempués de pasar penriba’l ciebu fai ganar nuna variedá del xuegu de los bolos]. || Bolu alimenticiu, masa [que formen los alimentos na boca dempués de mazcaos]. || Bolu palma, [variedá del] xuegu los bolos [que se xuega pal oriente d’Asturies]. || Fuera (de) bolos, ensin enterase, ensin tar al tanto de lo que se diz, de lo que pasa.