Diccionariu de la Llingua Asturiana (DALLA)

  • Escriba nel campu la pallabra que quier buscar.

    Pallabra:


    alzar: v. Llevantar, mover [contra arriba]. Alza bien la cabeza. 2 Poner derechu, en posición vertical. Alza’l poste que cayó. 3 Tar [más] alto [daqué d’un llau que d’otru]. Tienes que baxar un poco’l cuadru, qu’alza de la derecha. 4 Midir [d’altu]. L’armariu alza tres metros del suelu. 5 Construyir, facer [un edificiu, un pisu]. Alzaron la casa volaos. 6 Desapegar, desaunir [d’un sitiu]. El papel de la parede alza, tienes qu’echa-y un pocu más de cola. 7 Apoderase de [les coses ayenes]. Alzó con tol dineru. Alzó-yoslo too. 8 Colar, marchar. Yo, en cuanto puea, alzo d’esa casa. 9 Recoyer n’orde y guardar [daqué que taba espardío]. Alzó’l tenderete. 10 Llimpiar [el granu cola criba, col vañu]. 11 Xubir a l’alzada [los vaqueiros]. 12 Llevantar, ameyorar [el tiempu, el día]. 13 Facer que [daquién] se niegue a obedecer y ataque a [una autoridá]. Alzólos contra’l rei. 14 prnl. Cociar, golpiar con [les pates d’atrás una caballería]. 15 prnl. Rebelase [contra una autoridá], negase a obedecer a [una autoridá]. 16 prnl. Entamar a haber [aire, fumu]. Alzóse desiguida un airín. || Alzar cabeza, salir [d’una situación abegosa o apurada, d’una enfermedá]. || Alzar (con) la lleche, nun baxar la lleche a una vaca. 2 Nun baxar la lleche [una vaca]. || Alzar el bandu, dexar plantáu [a daquién]. || Alzar el cestu, dexar plantáu [a daquién]. || Alzar la mano, pegar [a daquién]. Ten cuidáu qu’esti alza la mano fácil. 2 Ser menos esixente. Si queremos qu’apruebe dalguién hai qu’alzar la mano. || Alzar la maya, llegar a la maya y llevantala [en dellos xuegos de neños]. || Alzar la voz, falar [más] alto. 2 Falar [a una persona] nun tonu fuerte, mal educáu. || Alzar les pates (d’atrás), fam. dicir una tontada, una babayada. || Alzase de les pates d’atras, fam. rebelase [nun atendiendo a razones]. || Alzo la maya, *espresión que se diz cuando daquién llega a la maya y la llevanta en dellos xuegos de neños.


    Copyright (C) 2015 Academia de la Llingua Asturiana

  • Escueya la busca que quier facer. Si hai más de 500 resultaos tien d'axustar la consulta.

    • Buscar pallabres que
    • Buscar definiciones qu'inxeran

    Notice: Undefined variable: tipu in /var/www/vhost/academiadelallingua.com/home/html/diccionariu/index.php on line 218

    Copyright (C) 2015 Academia de la Llingua Asturiana