Diccionariu de la Llingua Asturiana (DALLA)

  • Escriba nel campu la pallabra que quier buscar.

    Pallabra:


    lluna, la: sust. Satélite natural de la Tierra. 2 Satélite [d’un planeta]. 3 Satélite natural de la Tierra [col aspeutu que tien vistu dende ésta]. Esta nueche hai una lluna perguapa. 4 Clavu [de fierro de la rueda del carru]. 5 Medialluna, pieza [de fierro de les que refuercen los llaos de los cambuchos del carru]. 6 Furacu [de la rueda del carru onde encaxa la exa]. 7 Cristal [grande d’un armariu, d’un escaparate]. 8 fam. Cosa o conxuntu de coses imposibles. Querer la lluna. || Andar cola lluna, allunar, sufrir trestornos o camudamientos de personalidá atribuyíos a la lluna. || Cara de lluna enllena, cara grande y redonda. || Cara de media lluna, cara grande y redonda. || Cenar la Lluna, tardar en salir la lluna dempués d’escurecer. || Clis de Lluna, atapamientu parcial de la Lluna al ponese la Tierra ente ella y el Sol. || Dar vuelta la Lluna, empezar a menguar [la Lluna]. || Eclipse de Lluna, atapamientu parcial de la Lluna al ponese la Tierra ente ella y el Sol. || Llámpara de lluna, Patella lusitanica, moluscu marín [col cascu arredondiáu que vive apegáu a les piedres]. || Lluna acostada, lluna creciente, lluna que namái se ve parcialmente illuminada pela parte derecha. || Lluna creciente, lluna que namái se ve parcialmente illuminada pela parte derecha. || Lluna enllena, lluna que se ve illuminada y redonda dafechu. || Lluna estrellada, lluna qu’hai cuando’l cielu ta ensin nubes. || Lluna menguante, lluna que se ve namái parcialmente illuminada pela parte izquierda. || Lluna nueva, lluna cuando nun se ve dende la Tierra por tar en solombra. || Media lluna, medialluna, pieza [de fierro de les que refuercen los llaos de los cambuchos del carru]. 2 Figura [que representa una lluna illuminada a la metá]. || Pidir la lluna, pidir daqué imposible. || Tar na lluna, fam. tar ensin enterase de lo que pasa alredor. || Tener lluna, tener razón.


    Copyright (C) 2022 Academia de la Llingua Asturiana

  • Escueya la busca que quier facer. Si hai más de 500 resultaos tien d'axustar la consulta.

    • Buscar pallabres que
    • Buscar definiciones qu'inxeran

    Copyright (C) 2022 Academia de la Llingua Asturiana