Diccionariu de la Llingua Asturiana (DALLA)

  • Escriba nel campu la pallabra que quier buscar.

    Pallabra:


    sol, el: sust. Estrella [alredor de la que da vueltes la Tierra y los otros planetes]. 2 Estrella, astru [con lluz propia]. 3 Lluz y calor [que da la estrella que da vueltes alredor de la Tierra]. Fai munchu sol. Equí da muncho’l sol. 4 Persona o cosa [bona, que merez munchu apreciu]. 5 Moneda de plata [de Perú]. 6 Quinta nota [de la escala musical]. || A la cacheta (de) el sol, nel momentu del día cuando hai más calor. || A la chorcha’l sol, nel momentu del día cuando calienta hai más calor. || A la fuercia’l sol, nel momentu del día cuando hai más calor. || Al chisgar el sol, al escurecer, al atapecer. || Al sol tardíu y a la primavera, en tou momentu. || Arregallar el Sol, salir el Sol pente les nubes. || Bañu de sol, aición y efeutu d’asoleyase una persona con fines melecinables o estéticos. || Bígaru del Sol, Gibbula umbilicalis, moluscu marín [de cáscara achaplada y paecida a la del cascoxu]. || Clis de Sol, atapamientu parcial de la Tierra al ponese la Lluna ente ella y el Sol. || Cola fuercia’l sol, nel momentu del día cuando hai más calor. || Comer les formigues al Sol, nun dexar les nubes salir el Sol. || Dar el sol na cara, facer avergonzase [a daquién]. || De sol a sol, desque amanez hasta qu’atapez. || Eclipse de Sol, atapamientu parcial de la Tierra al ponese la Lluna ente ella y el Sol. || Güeyu (de) el Sol, momentu cuando’l Sol tien una parte escondida al amanecer o al atapecer. || Pasar el Sol (per delantre la puerta), fam. pasar la mocedá [a una persona]. || Pasar el Sol (per delantre’l corral), fam. pasar la mocedá [a una persona]. || Pela fuercia’l sol, nel momentu del día cuando hai más calor. || Raza de Sol, rayada [de Sol]. || Reló de Sol, aparatu [pa midir el tiempu sofitáu na inclinación y movimientu de la solombra d’un palu per una superficie]. || Sol de bermeyón, lluz del sol acolorazao qu’hai al riscar el día. || Sol de les vieyes, lluz apagao del Sol qu’hai al atapecer. || Sol de mataburros, sol intenso que da al mesmu tiempu que ta lloviendo. || Sol de matarrocín, sol intenso que da al mesmu tiempu que ta lloviendo. || Sol de matarrocinos, sol intenso que da al mesmu tiempu que ta lloviendo. || Sol de muertos, lluz apagao del Sol qu’hai al atapecer. || Sol de rocín, sol intenso que da al mesmu tiempu que ta lloviendo.


    Copyright (C) 2015 Academia de la Llingua Asturiana

  • Escueya la busca que quier facer. Si hai más de 500 resultaos tien d'axustar la consulta.

    • Buscar pallabres que
    • Buscar definiciones qu'inxeran

    Copyright (C) 2015 Academia de la Llingua Asturiana