Diccionariu de la Llingua Asturiana (DALLA)

  • Escriba nel campu la pallabra que quier buscar.

    Pallabra:


    perru, -a, el/la: sust. Canis familiaris, mamíferu domésticu [de dentame fuerte y olfatu perfinu que curia la casa, que caza]. 2 fam. Bona suerte. ¡Menudu perru que tien esti xugando! ¡Qué perra tienes, gáneslo too! || A cara perru, fam. con descaru, ensin vergüenza. 2 Con dureza, ensin compasión. 3 Faciendo un esfuerciu [pa llograr daqué, p’algamar una solución que ye mui abegosa]. Operáronlu a cara perru. 4 De frente, derechamente. || A perru puestu, fam. vixilando, sollerte. 2 Esperando de mala gana. Túvome a perru puestu tola mañana na oficina pa dame’l papel. || Andar a palos cola perra, fam. andar con priesa, apuráu. || Cagar la perra en camín [a ún], fam. salir mal [a ún] dalgo qu’esperaba que saliera bien. || Cayer la cruz del perru, fam. venir munches necesidaes. || Como (la) fiel de perru, mui [amargu]. || Como un perru, fam. permuncho [humildar, sufrir]. 2 De mala manera [morrer, tratar a daquién]. 3 Con muncha dependencia [de daquién]. 4 Muncho [fiel]. || Como un perru sentáu, fam. baxu, de poca estatura.|| Como’l perru y el gatu, fam. reñendo de contino. 2 Mui mal [llevase]. || Dir (a) bañar el perru, fam. *espresión que se diz cuando una persona cafia o repuna muncho, pa que dexe tar tranquilu a ún. || Echar el perru, fam. reñer [a daquién]. || Echar la gata al perru, fam. perder el tiempu. || Echar pan al perru pa que nun muerda, tener contentu a daquién que pue perxudicar los intereses propios pa que nun lo faiga. || Lladrar la perra, fam. *espresión que se diz cuando daquién se pon axoriáu, nerviosu por ver a una persona. || Mandar a bañar el perru, fam. *espresión que se diz cuando una persona cafia o repuna muncho, pa que dexe tar tranquilu a ún. || Mordíu de la perra, fam. doliosa una parte del cuerpu [dempués de facer exerciciu]. || Perru amarráu, fam. dineru que se debe. || Perru falderu, fam. perru [pequeñu que se tien a les faldes d’ún]. 2 Persona [que ta mui dominada por otra]. || Pexe perru, Epigonus telescopus, farol, pexe de calume [de boca y güeyos pergrandes]. || Salir la perra mal capada, fam. *espresión que se diz cuando sal mal daqué. || Salir perra daqué, fam. *espresión que se diz cuando sal mal daqué. || Tener canielles de perru, fam. caminar bien. || Un perru, nada. || Unviar a bañar el perru, fam. *espresión que se diz cuando una persona cafia o repuna muncho, pa que dexe tar tranquilu a ún.


    Copyright (C) 2015 Academia de la Llingua Asturiana

  • Escueya la busca que quier facer. Si hai más de 500 resultaos tien d'axustar la consulta.

    • Buscar pallabres que
    • Buscar definiciones qu'inxeran

    Copyright (C) 2015 Academia de la Llingua Asturiana