Cursu Elemental de Llingua Asturiana

Empobínase a toles persones, al marxe de la so titulación o nivel d’estudios, y tienen como oxetivu algamar una conocencia básica de la llingua na espresión oral y escrita.

Superaes les pruebes afayadices, los participantes llograrán la certificación de Conocencia Básica de la Llingua Asturiana. Esta Certificación pue algamase tamién pente medies de les pruebes añales (de calter escritu y oral) que l’Academia entama nos meses de xineru y mayu y nes que toles persones interesaes puen amosar la so conocencia práutica del idioma asturianu.

Nel Plan d’Estudios inxérense 60 hores llectives que se correspuenden coles siguientes asignatures:

  • Normes ortográfiques
  • Sociollingüística aplicada al casu asturianu
  • Exercicios escritos
  • Situaciones comunicatives escrites
  • Situaciones comunicatives orales
  • Averamientu a la Lliteratura Asturiana

Inscripción: 300 €

Inclúi matrícula, agospiu en réxime de pensión completa y materiales.