Cursu Avanzáu de Llingua Asturiana

Va dirixíu a aquelles persones que superaren l’anterior Cursu Elemental o que, al traviés de les pruebes de xineru o mayu, algamaren el certificáu de Conocencia Básica de la Llingua Asturiana.

El so oxetivu ye que tola xente, al marxe del so nivel d’estudios, titulación o profesión, pueda llograr una más fonda conocencia práutica de la llingua asturiana.

Superaes les pruebes afayadices, los participantes recibirán el certificáu de Conocencia Avanzada de la Llingua Asturiana.

Nel Plan d’Estudios inxérense 60 hores llectives que se correspuenden coles siguientes asignatures:

  • La llingua asturiana estándar
  • Llingua y sociedá na Asturies de güei
  • Situaciones comunicatives escrites II
  • Situaciones comunicatives orales II
  • Aspeutos de la cultura asturiana
  • Aspeutos de la Historia d’Asturies
  • Lliteratura asturiana contemporánea
  • Téuniques de creatividá lliteraria

L’Academia de la Llingua Asturiana, atendiendo a un enfotu xeneralizáu nos participantes que superen esti Cursu, ufiérta-yos la posibilidá d’inscribise nos Cursos d’Afondamientu Cultural y Llingüísticu.

Inscripción: 300 €

Inclúi matrícula, agospiu en réxime de pensión completa y materiales.