Cursos en collaboración cola Universidá d’Uviéu

Cursos en collaboración cola Universidá d’Uviéu L’Academia de la Llingua Asturiana, darréu del pautu firmáu cola Universidá d’Uviéu, entama Cursos d’Estensión Universitaria dirixíos a los estudiantes de toles estremaes carreres universitaries.

Universida d'Uviéu

Los alumnos que participen nellos podrán algamar, respeutivamente, 6 y 5 creitos de llibre configuración. Los Cursos que, nun principiu, propunxo l’Academia y que sedrán impartíos por profesores de la Universidá d’Uviéu, son los siguientes:

  1. Cursu Elemental de Llingua Asturiana.
    De 40 hores llectives y dirixíu a estudiantes que quieran averase a la conocencia práutica de la Llingua Asturiana. Esti cursu completaráse con 20 hores de clases práutiques. [Más Información]
  2. Cursu Avanzáu de Llingua Asturiana
    De 40 hores llectives y dirixíu a estudiantes que tengan la certificación de Conocencia Básica de la Llingua Asturiana per cualquiera de les víes previstes na convocatoria. Esti cursu completaráse con 20 hores de clases práutiques. [Más Información]
  3. Cursu de Capacitación pa la Traducción al Asturianu
    De 35 hores llectives y dirixíu a estudiantes que tengan una conocencia avanzada de la llingua asturiana. Esti cursu completaráse con 15 hores práutiques. [Más Información]
  4. Nueves teunoloxíes na educación
    De 35 hores llectives y d’accesu llibre, ta dirixíu a toles persones que quieran afondar nesta materia. Esti cursu completaráse con 15 hores práutiques. [Más Información]
  5. Cantares, bailles ya instrumentos musicales asturianos
    De 35 hores llectives y d’accesu llibre, ta dirixíu a toles persones que quieran afondar nesta materia. Esti cursu completaráse con 15 hores práutiques. [Más Información]
  6. Averamientu al cine n’asturianu
    De 35 hores llectives y d’accesu llibre, ta dirixíu a toles persones que quieran afondar nesta materia. Esti cursu completaráse con 15 hores práutiques. [Más Información]

L’Academia de la Llingua Asturiana certificará, siguiendo los calces previstos, la superación y calificación llograda nestos cursos y fadrá entrega de les actes a la Universidá d’Uviéu qu’actuará acordies coles bases de la convocatoria.