Concursos d'investigación

Aconceyáu'l Xuráu de los Concursos d'investigación (Recoyida de material toponímico oral, Recoyida oral de léxicu asturianu, y Concursu d'investigación llingüística) que convoca l'Academia de la Llingua Asturiana correspondiente al añu 2009, formáu por Ana María Cano González como presidenta, José Luis García Arias como vocal y Corsino García Gutiérrez faciendo de secretariu, apáutase nos siguientes acuerdos:

Concursu de recoyida de material toponímico oral

1. Premiar con 600 € los trabayos titulaos Toponimia de les parroquies de Zarréu y Degaña del que ye autor Francisco Javier Redondas Maseda.

2. Dar un accésit de 300 € al trabayu tituláu Toponimia de la parroquia de Llatores (Uviéu) del que ye autor Gabino Arcadio Alonso Alonso.

3. Dar un accésit de 150 € al trabayu tituláu Toponimia de la parroquia de Felgueras (L.lena) del que son autores Verónica y Raúl Fueyo Alcedo.

4. Dar un accésit de 150 € al trabayu tituláu Toponimia de la parroquia de La Marea (Piloña) del que ye autora María Aurina González Nieda.

5. Aconséyase la publicación de los trabayos Toponimia de la parroquia de San Pedro de Naves (Uviéu) del que ye autora Mercedes Suárez Naves, y el de Toponimia de Riballagu (Zamora) del que son autores David García López y Ricardo Boyano Andrés .

Concursu de recoyida oral de léxicu asturianu

Dexar ermu'l concursu de Recoyida oral de léxicu asturianu.

Concursu d'investigación llingüística

Dexar ermu'l concursu d' Investigación llingüística.

Concursu d'Investigación sobre lliteratura asturiana

Aconceyáu'l Xuráu del Concursu d'investigación sobre lliteratura asturiana que convoca l'Academia de la Llingua Asturiana correspondiente al añu 2009, formáu por Miguel Ramos Corrada como presidente, Antonio Fernández Insuela como vocal, faciendo de secretariu Alfonso Martín Caso, apáutase na siguiente resolución:

Premiar con un segundu accésit de 150 € el trabayu tituláu El teatru de Pachín de Melás y la crítica del so tiempu, del que ye autor Xosé Lluis Campal Fernández.

Concursu de llectures pa rapazos

Aconceyáu'l Xuráu del Concursu de llectures pa rapazos que convoca l'Academia de la Llingua Asturiana correspondiente al añu 2009, formáu por Urbano Rodríguez Vázquez como presidente, Vicente García Oliva como vocal y faciendo de secretariu Pablo Xuan Manzano Rodríguez, apáutase nel siguiente acuerdu:

- Dar el premiu de 600 € a la obra titulada Pelegrinos del abismu, de la que ye autor Lluis Portal Hevia.


Concursu de creación lliteraria, premiu "Llorienzu Novo Mier"

Aconceyáu'l Xuráu del Concursu de creación lliteraria, premiu "Llorienzu Novo Mier" que convoca l'Academia de la Llingua Asturiana correspondiente al añu 2009, formáu por Miguel Ramos Corrada como presidente, Xosé Ramón Iglesias Cueva como vocal, faciendo de secretaria Marta Mori d'Arriba, apáutase na siguiente resolución:

- Premiar con 600 € el poemariu tituláu Cuando'l mundu debala, del que ye autor Berto García García.

Concursu de teatru

Aconceyáu'l Xuráu del Concursu de teatru que convoca l'Academia de la Llingua Asturiana correspondiente al añu 2009, formáu por Miguel Ramos Corrada como presidente, Adolfo Camilo Díaz como vocal, faciendo de secretariu Carlos Rubiera Tuya, apáutase na siguiente resolución:

- Premiar con 600 € la obra titulada La fuxida, de la que ye autor Xaviel Vilareyo.

Concursu de recoyida de material lliterario escrito, premiu "Federico G.-Fierro Botas"

Aconceyáu'l Xuráu del Concursu de recoyida de material lliterario escrito, premio "Federico G.-Fierro Botas" que convoca l'Academia de la Llingua Asturiana correspondiente al añu 2009, formáu por Ana María Cano González como presidenta, José Luis García Arias como vocal y Corsino García Gutiérrez faciendo de secretariu, apáutase nos siguientes acuerdos:

1. Dar un accésit de 300 € al trabayu tituláu: Poesíes asturianes de Carlos de la Concha, del que ye autor Rafael Rodríguez Valdés.

2. Dar dos accésit de 150 € a los trabayos titulaos Testos asturianos en prosa, del que son autores José Luis Campal y Aurora Sánchez, y a Amuesa de publicidá en llingua asturiana, del que ye autor Inaciu Galán y González

Aconceyáu'l Xuráu del Concursu de Recoyida de material lliterario oral que convoca l'Academia de la Llingua Asturiana correspondiente al añu 2009, formáu por Roberto González-Quevedo como presidente, Antonio Fernández Insuela como vocal, faciendo de secretariu Alfonso Martín Caso, apáutase na siguiente resolución:

Premiar con un accésit de 300 € el trabayu tituláu El llobu na tradición oral asturiana, del que ye autor Alberto Álvarez Peña.

Concursu de Curtios Cinematográficos

Déxase ermu'l Concursu de Curtios Cinematográficos de l'Academia de la Llingua Asturiana correspondiente a la convocatoria del añu 2009.

Concursu de Cómics

Déxase ermu'l Concursu de Cómics de l'Academia de la Llingua Asturiana correspondiente a la convocatoria del añu 2009.