41 Día de les Lletres Asturianes

L’actu, d’accesu restrinxíu por mor de la situación sanitaria actual, va poder siguise en direuto pela canal de Youtube de la Universidá d’Uviéu

Esti vienres, día 2 d’ochobre, a les 12 hores, nel Aula Magna del Edificiu Históricu de la Universidá d’Uviéu, va celebrase’l 41 Día de les Lletres Asturianes, que quedare aplazáu na primavera por mor de la situación sanitaria. Nesti actu, en Xunta Estraordinaria, daráse acoyida al nuevu Académicu Correspondiente D. Pablo Rodríguez Medina y entregaráse’l II Premiu Nacional de Lliteratura a D. Xuan Xosé Sánchez Vicente. Continuar leyendo «41 Día de les Lletres Asturianes»

El Día de les Lletres Asturianes celebraráse’l 2 d’ochobre, siempres que se dean les condiciones sanitaries y sociales

L’Academia de la Llingua Asturiana (ALLA) anunciaba va unes selmanes que’l Día de les Lletres Asturianes, qu’habría celebrase esti vienres 8 de mayu, quedaba aplazáu por cuenta de la crisis sanitaria.

Continuar leyendo «El Día de les Lletres Asturianes celebraráse’l 2 d’ochobre, siempres que se dean les condiciones sanitaries y sociales»

La Universidá d’Uviéu y l’Academia de la Llingua Asturiana suspenden la UABRA na edición d’esti añu, prevista pa la primer quincena d’agostu

UABRA

La Universidá d’Uviéu y l’Academia de la Llingua Asturiana tán acabantes de decidir la suspensión de la Universidá Asturiana de Branu (UABRA) 2020, desendolcada col sofitu del Conceyu de Cangas del Narcea al entender que, anque entá podíen dase les condiciones alministratives y normatives afayadices pa la so organización, el compromisu dirixíu a garantizar la salú coleutiva del pueblu asturianu ye prioritariu. Continuar leyendo «La Universidá d’Uviéu y l’Academia de la Llingua Asturiana suspenden la UABRA na edición d’esti añu, prevista pa la primer quincena d’agostu»

Lletres Asturianes asoleyaráse namái n’edición electrónica

Nun apueste pol espardimientu llibre del conocimientu y pola ecoloxía, la revista Lletres Asturianes abandona la edición impresa dende’l númberu 122 (marzu 2020) y entama a asoleyase namái n’edición electrónica de consulta abierta na plataforma REUNIDO de la Universidá d’Uviéu: www.uniovi.es/reunido. Continuar leyendo «Lletres Asturianes asoleyaráse namái n’edición electrónica»