XL Xornaes Internacionales d’Estudiu: plazu d’inscripción abiertu

Les Xornaes Internacionales d’Estudiu de l’Academia de la Llingua Asturiana algamen les cuarenta ediciones esti mes de payares de 2022. La Facultá de Filosofía y Lletres de la Universidá d’Uviéu acueye tres xornaes d’actividaes académiques, ente los díes 8 y 10, con ponencies, comunicaciones y presentaciones que, en xunto, ufierten una güeyada amplia de l’asturianística que se fai dende fuera d’Asturies.

Siguir lleendo y ver programa

L’Academia de la Llingua Asturiana convoca los sos concursos, dixebraos nun certame d’investigación y una olimpiada escolar

L’Academia de la Llingua Asturiana ta acabante d’asoleyar les bases de los diez concursos que convoca pa esti añu. Ocho d’ellos, los que formen el certame d’investigación, queden yá abiertos a la receición de propuestes. Mentanto, los dos concursos de la olimpiada escolar anque yá convocaos, nun van abrir les inscripciones hasta’l mes de setiembre.

Siguir lleendo

L’Academia de la Llingua Asturiana pide a les fuerces polítiques xenerosidá y convicción constitucional pa negociar la oficialidá na reforma del Estatutu

L’Academia, institución llingüística del Principáu que, ente otres funciones, tien la tutela de los derechos llingüísticos de los asturianos, ta siguiendo con fondu interés, y dacuando con preocupación, el procesu abiertu n’Asturies pa reconocer la oficialidá del asturianu y del eonaviegu nel Estatutu d’Autonomía. Ye esta una reclamación democrática con cuatro décades de percorríu que diba significar el cumplimientu de la previsión constitucional recoyida nel artículu 3.2 de la norma básica del Estáu.

Siguir lleendo